«МЕЙІРІМ ШУАҒЫ» ҚОРЫНЫҢ ДИРЕКТОРЫМЕН КЕЗДЕСТІМ

Бүгін «Мейірім шуағы» қорының директоры Асқар Молдабекті қабылдадым. Кездесу барысында пандемия кезінде халыққа әлеуметтік қолдау көрсеткен жомарт жандар, дәрігерлер мен тәртіп сақшыларымен бірлесіп еңбек еткен еріктілердің ерен еңбектерін атап өттік.

Қор директоры Асқар Молдабек әлемді жаулаған індет кезінде қор тарапынан бірқатар жұмыстар атқарды.

«Мейірім шуағы» қоры - балаларды реабилитациялық-түзету, дамыту жұмыстарымен айналысады. Бүгінде тірек-қимыл аппараты бұзылған 120-130 балаға қызмет көрсетіп келеді. Бұдан бөлек, елімізде жарияланған төтенше жағдай кезінде қордың атынан медицина мекемесіне ИВЛ аппараттары мен тұрғындарға дәрі-дәрмек, азық-түлік үлестірді.

Қайырымдылық қорлары арқылы тұрмысы төмен отбасыларға көптеген көмек берілуде. Осы бағыттағы жұмыстарды ұйымдастырып, азаматтарға қолдау көрсетіп отырған қор ұжымына, ізгілікті істе шет қалмайтын ел азаматтарына алғысымды білдіремін.

• 16.02.2021
• 404