ШЫМКЕНТТЕ ЖЕҢІЛ ӨНЕРКӘСІПТІҢ ҚҰЗІРЕТТІЛІК ОРТАЛЫҒЫ АШЫЛДЫ

 «Жеңіл өнеркәсіп және сервис колледжі» МКҚК жанындағы «Оңтүстік» арнайы экономикалық аймағында орналасқан «Жеңіл өнеркәсіптің құзіреттілік орталығының» жұмысымен таныстым. Онда колледждің 8 өндірістік шеберханасы орналастырылған.

Жеңіл өнеркәсіп және сервис колледжі өткен жылы «Жас маман» жобасына қатысып, 371 миллион теңгеге «Тігінші-кестелеуші» мамандығы үшін заманауи материалдық-техникалық базаны нығайту мақсатында Жапондық «JUKI» компаниясының заманауи құрал-жабдықтарын алды.

Қаламызда 31 техникалық және кәсіби білім беретін оқу ордасы бар. Оларда түрлі мамандық бойынша кадрлар дайындалып жатыр. Жеңіл өнеркәсіптің құзіреттілік орталығы – еліміздегі мұндай озық технологиямен жабдықталған алғашқылардың бірі. Сондықтан базаның мүмкіндіктеріне аса көңіл бөліну қажет. Қаладағы кәсіптік білім беретін ұйымдардағы мамандықтар негізінде инвесторларға ұсынатын арнайы үш тілде кітапша әзірленеді. Қызығушылық танытып келетін инвесторларға өзіміздегі дайын кадрларды ұсыну арқылы  жұмыссыздықтың алдын аламыз, екінші жағынан қала әлеуетін де көрсете аламыз.

• 16.02.2021
• 367