Нұра ауданының тұрғындарымен есептік кездесу өткіздім.

Нұра ауданының тұрғындарымен есептік кездесу өткіздім. Кездесу 4 сағаттан астам уақытқа созылды. «Ашық микрофон» форматында барлық тұрғын сұрақтарын қойып, ұсыныстарын білдірді.
Тұрғындар әлеуметтік нысандар (мектептер, балабақшалар, медициналық мекемелер), аулалар мен қоғамдық кеңістіктер, жолдар, инженерлік желілер салу мәселелерін көтерді. Сол сияқты қала құрылысшыларына, жаңа маршруттарды іске қосуға, көшелерді жарықтандыруға қатысты т.б. мәселелер қозғалды.
✅Маңызды мәселе – әлеуметтік нысандар салу. Мәселен, «Жайлы мектеп» ұлттық жобасы аясында 2024-2025 жылдары 24 мектеп саламыз. Мысалға алар болсақ, жаңа оқу жылының алдында 9 жайлы мектеп ашқан болсақ, жыл соңына дейін тағы 8 жайлы мектеп есігін айқара ашады. Осы ұлттық жоба бойынша мектептердің үштен бір бөлігі қарқынды дамып келе жатқан Нұра ауданында ашылатын болады. Сонымен қатар, өзге де мемлекеттік мектептер саламыз әрі жеке инвестициялар да тартамыз.
✔️Сондай-ақ, қажеттіліктерді ескере отырып, Оқушылар сарайларын, мемлекеттік балабақшаларды, мемлекеттік мекемелерді және т.б. салу бойынша жобаларды іске асырамыз.
✅Биыл қалада 170 аула мен қоғамдық кеңістікті (саябақтар, гүлзарлар, желекжолдар) абаттандырамыз. Жұмыстың басым бөлігі аяқталды. Бұл жұмыс елорданың барлық ауданын қамтыды. Мысалы, Нұра ауданының Хан-Шатыр СОО маңында 2 қоғамдық кеңістік абаттандырылды, ал олардың орнында сауда орталықтарының құрылысы жоспарланған болатын. Жағалау шағын ауданында 18 гектар аумақ кешенді абаттандырылды, аудан көгалдандырылды және т.б.
Мысалы, І.Омаров көшесіне дейінгі Гринлайн аллеясы 4 кезең бойынша жүзеге асырылады. Келер жылы ЕК-15/1 көшесінен Әнет баба көшесіне дейінгі учаскеде құрылыс басталады. Бұған қоса, келесі жылы Әйтеке би көшесін аяқтау жоспарланып отыр.
✔️Биыл 13 көшенің күрделі құрылысы аяқталып, тағы 9 көшеде орташа жөндеу жүргізілді. Сондай-ақ, тағы 10 көшенің құрылысы жүргізіліп жатыр.
Кездесу барысында көтерілген мәселелерді шешу жұмысы қолға алынды. Біз оларды қысқа, орта және ұзақ мерзімді деп бөлеміз.

• 15.10.2024
• 37