Кентаудағы жылу энерго орталығындағы жұмыс барысымен таныстым

Кентау қаласына жұмыс сапары барысында №5 Жылу энергия орталығында болдым. Ондағы жөндеу және құрылыс жұмыстарын бақылап, жауапты басшылармен атқарылып жатқан жұмыстарды пысықтадым.

Жылыту маусымының басталуына аз уақыт қалды. Жұмысты сапалы атқару маңызды. Елдің сенімін ақтау керек. Жауаптыларға әрбір қазандықтағы жұмысты жүйелеп, жылыту маусымына дайындауды тапсырдым. Мәселе қатаң бақылауда тұр.

Кентау қаласындағы жылу орталығының тозығы жеткен. Сондықтан биыл 6 қазандықты қайта құру жұмыстары жүргізілуде. Қазір мұнда екі ауысымда тоқтаусыз жұмыс жүргізіліп жатыр. Бүгінде 4  қазандықты жаңарту жұмыстары толық аяқталды. Қалған екі қазандықта құрылыс-монтаж жұмыстары жалғасуда. Бұдан бөлек, тағы және екі қазандықты ағымдағы жөндеу жұмыстары жүргізілді. Жылыту маусымына толық 6 қазандық дайын. Сонымен қатар қаладағы 7 шақырымға жуық магистралды жылу желілері жаңартылды.

🔗 Жұмыстар жалғасады. Орындалу барысы менің және арнайы құрылған штабтың қатаң бақылауында тұр.

• 18.10.2024
• 38