Инвестициялық штаб отырысын өткіздік

Түркістан облысында бәсекеге қабілетті өндіріс орындарын ашу бағытында қызу жұмыстар жүргізіліп жатыр. Басымдық инвестиция тарту арқылы кәсіпорындар мен жұмыс орындарын ашуға берліген. Бұл бағытта инвестициялық штаб жұмыс істейді. Штабтың кезекті ортырысында инвесторлардың жобаларын қарап, ұсыныстарын тыңдадық. Жүзеге асып жатқан жобалардың барысын, нәтижесін сараладық.

Аудан, қала әкімдері мен басқарма басшыларына инвестиция тарту бағытында белсенділікті арттыруды, ізденуді, жұмысты күшейтуді, кәсіпкерлермен тығыз байланыста жұмыс істеуді тапсырдым. Инвестиция тарту, өндіріс және жұмыс орындарын ашу – басты міндетіміз. Екіншіден, жерді алып, жұмысын уақтылы бастамаған инвесторларға да заң шеңберінде шара көріледі. Жер берілген соң жобалар өз уақытында жүзеге асуы керек.

Қазіргі уақытта өңірде бірқатар инвест жобалар іске асырылуда. Атап айтқанда, Сауран ауданы мен Арыс қаласында дрон шығаратын, интеграцияланған жылыту жүйелеріне арналған жабдықтар өндіретін зауыттар салу қолға алынды. Түлкібас ауданындағы ауыз су және түрлі-түсті сусындар өндіру зауытының құрылысы аяқталып, бүгінде жобаны іске қосу бойынша жұмыстар жүргізілуде. Мақтааралдағы тоқыма кластерін құру жобасымен жоғары сұрыпты мақта егілді. Нәтижесі жаман емес.

Бұдан бөлек, штаб отырысында Кентау мен Түркістан қалаларында газ қазандықтары мен тұрмыстық техника өндіретін зауыт құрылысы, өсімдік майын шығаратын зауыт салу жобасы, Сайрам ауданындағы бу-газ қондырғысының құрылысы мен газ турбиналы электр станциясын салу және жел электр станциясын салу жобалары да талқыланды.

🔗 Түркістан облысына инвестиция тарту, өндіріс орындарын ашу, тұрақты жұмыс орындарын көбейту бағытында жұмыстар жалғасады.

• 18.10.2024
• 90