Әдеп жөніндегі уәкілдердің кезекті республикалық форумына қатыстым

Бүгін Әдеп жөніндегі уәкілдердің кезекті республикалық форумына қатыстым. Форумның киелі Түркістан қаласында өтіп жатқаны бізді қуантады. Жиында мемлекеттік қызметшілердің қызметтік әдеп стандарттарын және Әдеп жөніндегі уәкілдердің қызметін жетілдіру мәселелері кеңінен талқыланды.

Бүгінгі таңда екі милионнан астам халқы бар өңірде 6 мыңға жуық мемлекеттік қызметші жұмыс атқаруда. Олардың қатарында ҚР Президенті жанындағы Мемлекеттік басқару академиясының 19 түлегі, «Болашақ» бағдарламасының 5 түлегі, шет елдерде білім алған 64 мемлекеттік қызметші өңіріміздің дамуына қызмет етуде. Түркістан облысы әкімдігі мемлекеттік қызмет саласын жетілдіру, жаңа өзгерістерді іске асыру бағытында нәтижелі жұмыс жүргізіп келеді. Мемлекет басшысының тапсырмасымен өңірдегі жаңашыл ойлайтын көшбасшылар мен жас басқарушылардың тобын қалыптастыру мақсатында кадрлық резерв іріктелді. Ең бастысы, еліміздің дамуына бей-жай қарамайтын, жұмысына жаны ашитын әділетті жастарды мемлекеттік қызметке алу. Бүгінгі таңда өңірлік кадрлық резервіне 32 мемлекеттік қызметші жасақталып, 3 резервші жоғары лауазымға тағайындалды.

Қазақстан Республикасының мемлекеттік қызметі қоғам өмірінде ерекше рөл атқарады. Бұл ретте 2016 жылдан бастап жұмыс істеп келе жатқан әдеп жөніндегі уәкілдер институты мемлекеттік қызметтің дамуына тың серпін берді. Яғни, әдеп нормалары сақталуының жауапкершілігі алғаш рет нақты лауазымға жүктелді.

Республикалық форумда қатысушылар әдеп жөніндегі уәкілдердің дербестігін күшейтуге және оларды бағалау мен бақылаудың неғұрлым тиімді тетіктерін енгізуге қатысты ұсыныстарын жеткізді.

Осы күні Мемлекеттік қызмет істері агенттігінің төрағасы Дархан Жазықбаймен бірге  облыс активімен кездестік. Жиында МҚІА төрағасы Агенттік тарапынан атқарылып жатқан шаралар жайлы баяндап, мемлекеттік қызметті дамытудың жаңа тұжырымдамасын жүзеге асыруға қатысты жоспарлармен бөлісті.

🔗 Біздің міндетіміз – халыққа адал қызмет ету.

• 18.10.2024
• 83