Саламатты өмір салты насихатталды

Түркістанда ҚР мәслихаттарының 30 жылдығы аясында Түркістан облысының барлық деңгейдегі депутаттары арасында кіші футболдан облыстық біріншілік өтті.

Биыл Қазақстан Республикасы мәслихаттарының құрылғанына 30 жыл толып отыр. Бүгін осы мерекеге орай өңір депутаттары жасыл алаңда шеберлік байқасуда. Мемлекет басшысы халыққа арнаған Жолдауларында ұлт денсаулығын сақтау, спортты дамыту мәселесіне ерекше көңіл бөліп келеді. Бұл ретте облысымызда спортты дамыту бағытында ауқымды жұмыс атқарылып жатыр. Ортақ іске депутаттар қауымы да үлес қосуда. Облыста тұрғындарымыздың салауатты өмір салтын қалыптастыру және бұқаралық спортты дамыту мақсатында соңғы жылдары көптеген спорт нысаны пайдалануға берілді. Олардың арасында «Түркістан Арена» стадионы, «Мұз сарайы», «Теннис орталығы», «Olympic Center» спорт кешені жұртшылықтың оң бағасына ие болды. Бүгінде Бекзат Саттарханов атындағы спорт кешенінің, ескек есу каналының құрылысы жалғасуда. Октябрь Жарылқапов атындағы стадион жаңартылды. Аудан, қалаларда да спорт нысандарының саны артуда. Бұның бәрі мемлекетіміздің спортқа деген қолдауының жемісі.

• 18.10.2024
• 123