Мяньян қаласынан келген делегациямен кездестім

Қытай елінің Сычуань провинциясы Мяньян қаласынан келген делегациямен кездесіп, өңдеу өнеркәсібі, электротехника, құрылыс және ауыл шаруашылығы өнімдерін өңдеу салаларында бірлескен жобаларды жүзеге асыру жайын кеңінен талқыладық. Кездесу барысында қытайлық делагация ынтымақтастық орнатуға дайын екенін жеткізді.

Қазақстан мен Қытай арасындағы өзара қарым-қатынас – достық, тату көршілік және стратегиялық серіктестік қағидаттары негізінде дамып келеді. Ұлы Жібек жолы құрылған сәттен бастап дамып, өркендеп келе жатқан екі ел арасындағы сауда-экономикалық және мәдени-гуманитарлық қатынастардың орны ерекше. Президентіміздің дипломатиясы екі ел арасындағы қатынастардың сенімді дамуына бағыт-бағдар беріп отыр. Өңірлік әріптестігі нығайту мақсатында қарқынды жұмыстар жүргізілуде. Шілде айында Қытай Халық Республикасына іссапар аясында Шэньси, Хубэй, Хэнань провинцияларының губернаторларымен кездесіп, әртүрлі салаларда ынтымақтастықтың ықтимал мүмкіндіктерін талқыладық және тұрақты түрде байланыста болып, екі жаққа тиімді жобаларды жүзеге асыруға келістік. Бүгінгі кездесу – өңіраралық байланыстарды нығайтуға бағытталған жоспарлармен пікір алмасу үшін тамаша алаң.

Айта кетейін, 31 қазан күні Түркістан қаласында Халықаралық инвестициялық форум өтеді. Ауқымды форум аясында бизнес форумдар, Түркістан облысы тауар өндірушілерінің көрмесі мен B2B форматындағы кездесулер ұйымдастырылады.

🔗 Түркістан өңіріне инвестиция тарту бағытындағы жұмыстар тоқтамайды.

• 18.10.2024
• 52