Елді мекендерге сапалы Бас жоспарлар жасалады

Түркістан облысына қарасты елді мекендердің экономикалық әлеуетін арттыру, жаңа жұмыс орындарын ашу, инфрақұрылымын жақсарту  жұмыстары назарда тыс қалмайды. Әр аудан, қала, елді мекеннің сапалы жасалған бас жоспары болуы тиіс.

Аудан, қала және сала басшыларымен бірге елді мекендердің бас жоспарын талдап, сарапқа салдық. 2025-2027 және 2025-2029 жылдарға арналған бас жоспарларды әзірлеу және түзету жөніндегі жол картасының жобасы туралы ұсыныстарды қарап шықтық.

Түркістан облысы сәулет және қала құрылысы басқармасы тарапынан облыста орналасқан елді мекендердің бас жоспарына талдау жұмыстары жүргізіліп, нәтижесінде бірқатар кемшіліктер анықталған. Сонымен қатар облыс аумағында елді мекендердің бас жоспарларын әзірлеген жобалаушы мекемелерге де талдау жұмыстары жүргізілді. Нәтижесінде сапалы және сапасыз жобалаушы мекемелер анықталған.

Жауапты тұлғаларға бас жоспарды сапалы әрі жүйелі жасауды, ұсыныс беруді жүктедім. Орын алған кемшіліктерді қайта түзетуді, олқылықтарға жол бермеуді, мемлекеттік сатып алу кезінде жобалаушы мекеменің қала құрылысы саласында біліктілік талаптарын және тәжірбиесіне аса мән беруді тапсырдым.

🔗 Бей-берекет құрылысқа жол берілмейді. Барлық жұмыстар бас жоспар аясында атқарылуы қажет.

• 18.10.2024
• 45