БҚДА «KLF 2024» 14-ШІ «ҚАЗАҚСТАНДЫҚ ЗАҢ ФОРУМЫНДА МОНОПОЛИЯҒА ҚАРСЫ БАСТАМАЛАРДЫ ҰСЫНДЫ

Алматыда нарықты реттеу, корпоративтік құқық және M&A, цифрлық құқық, дауларды шешу, жер қойнауын пайдалану және құрылыс сияқты бағыттар бойынша секциялар мен панельдік сессияларды қамтитын «KLF 2024» 14 — ші қазақстандық заң форумы өтті. Форумда Мәжіліс депутаттары мен салалық қауымдастықтардың басшыларын қоса алғанда, жетекші заңгерлер мен сарапшылар спикерлер ретінде сөз сөйледі.

Форум бағдарламасында алғаш рет жеке панельдік сессияға монополияға қарсы құқыққа қатысты мәселелер бөлінді. Сессияның модераторы заңгер Ақылбек Құсайынов болды. Негізгі спикер ретінде Қазақстан Республикасы Бәсекелестікті қорғау және дамыту агенттігі төрағасының орынбасары Болат Сәмбетов сөз сөйледі.

Агенттік қызметіне шолу және болашақ жоспарлары

Өз сөзінде Болат Қуанышбекұлы агенттіктің ағымдағы жұмысы туралы егжей-тегжейлі айтып берді. Өткен жылы бәсекелестікке қарсы келісімдерге және үстем жағдайды теріс пайдалануға қатысты 94 тергеу жүргізілді. Олардың қатарында «Эйр Астана», «Яндекс Такси», «Petrosun», «ТЭК-Қазақстан» сауда үйі», «ҚТЖ – Жүк тасымалы» және «Hill Corporation» сияқты ірі компанияларға қатысты тергеулер бар. Болат Сәмбетовтың айтуынша, бұл халыққа алғаш рет елеулі нәтижелер әкелген маңызды шаралар.

Экономикадағы мемлекеттік сектордың үлесін қысқарту стратегиясы шеңберінде Агенттік жанынан Жекешелендіру жөніндегі Ұлттық кеңсе құрылды. Кеңсенің негізгі міндеті-мемлекеттің қатысуымен нарық субъектілеріне талдау жүргізу және жекешелендіруге жататын активтердің тізбесін қалыптастыру.

Алтыншы монополияға қарсы түзетулер пакеті

Негізгі тақырыптарының бірі монополияға қарсы заңнаманы жетілдіру жөніндегі БҚДА жұмысы болды. Болат Сәмбетов монополияға қарсы түзетулердің алтыншы пакетін ұсынды, оған мынадай бағыттар кіреді:

• Монополиялық нарықтардағы бағаны бақылауды күшейту.
• Экономикалық шоғырлануды бақылауды кеңейту.
• Монополияға қарсы талдаулар мен тергеулердің тиімділігін арттыру.
• ЕО елдерінде және АҚШ-та өзінің тиімділігін дәлелдеген ұжымдық талап қою тетігін енгізу.
• Тауар нарықтарын реттеу.
• Кәсіпкерлікке мемлекеттің қатысуын төмендету.
• Бәсекеге қабілетті климатты жақсарту және бизнес үшін қолайлы жағдай жасау.

Болат Сәмбетов сондай-ақ Агенттіктің жақын болашаққа арналған жоспарлары туралы айтып, монополияға қарсы заңнаманы одан әрі дамытуға және бәсекелестікті қорғау жөніндегі белсенді жұмысқа баса назар аударды.

Халықаралық сарапшылармен нәтижелі пікір алмасу

Сессияда тергеу, қаржы нарықтарын талдау және экономикалық шоғырлану департаментінің атынан Агенттіктің құрылымдық бөлімшелерінің басшылары сөз сөйледі. Сарапшылар ретінде БРИКС елдерінің бәсекелестік орталығының басшысы Алексей Иванов, сондай-ақ халықаралық компаниялардың заң бөлімшелерінің өкілдері шақырылды.

Форум Мемлекет пен бизнес өкілдері арасындағы сындарлы диалог пен пікір алмасудың тұғырнамасына айналды. Осындай маңызды заң форумында монополияға қарсы құқықтың дебютін қатысушылар жоғары бағалады және оның нәтижелері Қазақстандағы бәсекелестік ортаны одан әрі дамытуға маңызды қадам болды.

• 21.10.2024
• 46