Қаржылық мониторинг агенттігінің қызметкерлері Maqsut Narikbayev University студенттерімен кездесу өткізді.

Іс-шарада Кадр жұмысы департаментінің басшысы Арман Жүнісов жастарға қаржылық мониторинг органдарының мақсат-міндеттері мен негізгі қызметі туралы ақпарат берді. Сонымен қатар, спикерлер қаржылық сауаттылықтың маңызына тоқталып, елдің экономикалық қауіпсіздігін қамтамасыз етудегі ҚМА рөлі жайында баяндады.

Студенттер мемлекеттік қызметке орналасу мен Агенттікте тағылымдамадан өту тәртібі жайлы және экономикалық қылмыстарға қарсы іс-қимыл саласындағы дағдыларды дамыту туралы пайдалы ақпарат алды. Айта кетейік, 30 қыркүйек пен 4 қазан аралығында Сочи қ. (РФ) өткен Қаржылық қауіпсіздік бойынша IV Халықаралық олимпиадада Қазақстан командасы 36 ел арасында ІІІ орынға ие болды.

Ел намысын қорғаған қатысушылар қатарында Maqsut Narikbayev University студенті Сағын Исметилла да бар.

Мұндай атаулы сайыстардың алдында еліміздің барлық жоғары оқу орнында қаржылық сауаттылық бойынша іріктеу кезеңдері өтеді.

Осыған байланысты талантты жастарды қаржылық мониторинг органдарының қатарына шақыруға бағытталған іс-шараларды еліміздің барлық өңірлерінде өткізу жоспарлануда.

ҚМА заңгерлермен және экономистермен қатар, біздің еліміздің экономикалық қауіпсіздігіне өз үлесін қосуға дайын аналитикалық ақыл-ойы бар IT мамандықтары бойынша түлектерді жұмысқа қабылдауға дайын.

• 23.10.2024
• 136