«ЖҰБАНОВ ТАҒЫЛЫМЫ»: ҰЛЫ ҒАЛЫМДЫ ЕСКЕ АЛУ

Биыл Батыс өңіріндегі жетекші жоғары оқу орны есімін иеленген белгілі ғалым, мемлекет және қоғам қайраткері, қазақ тіл білімінің тұңғыш профессоры Құдайберген Жұбановтың туғанына 125 жыл толды.

Осы атаулы күнге орай 1 қарашада Құдайберген Жұбанов атындағы Ақтөбе өңірлік университетінде "Жұбанов тағылымы" атты ХІ Халықаралық ғылыми конференция өтті.

Бұл ауқымды шараға Ақтөбе облысының әкімі Асхат Шахаров, университет ректоры Лаура Қарабасова, белгілі филолог ғалымдар, зиялы қауым өкілдері және Жұбан әулетінің ұрпақтары қатысты. Қазақстан Республикасының Президенті Қасым-Жомарт Тоқаев құттықтау хат жолдады, сонымен қатар ҚР Ғылым және жоғары білім министрі Саясат Нұрбек бейне құттықтау жіберді.

Пленарлық мәжіліс алдында «Құдайберген Жұбанов: тұлға және уақыт. Фотомұрағат» атты кітаптың тұсаукесері өтті.

• 04.11.2024
• 76