Baitursynuly University-ге 85 жыл

Бүгінгі таңда Baitursynuly University 140-тан астам білім беру бағдарламалары бойынша мамандар даярлайды, әрі қосдипломды бағдарламаларды іске асырып, шетелдік жоғары оқу орындарымен табысты ынтымақтастық қарым-қатынас орнатты. Университет құрамында педагогикалық институт, 4 факультет және қолданбалы биотехнологиялық ғылыми-зерттеу институты бар.

Қорытынды мереке Ахмет Байтұрсынұлы ескерткішіне гүл шоқтарын қоюдан басталды. Іс-шара аясында ҚР Ғылым және жоғары білім министрі Саясат Нұрбек университет ұжымына бейне құттықтау жолдады.

«Кез келген университеттің мәртебесі ғалым-оқытушылардың еңбегімен, түлектердің сапасымен өлшенеді. Кәсіби біліктілік, еңбекқұмарлық пен жауапкершілік сияқты құндылықтар университет ұжымының күнделікті қызметінде көрініс тауып, соның арқасында сапалы білім беру және ғылымды дамытуда жетістіктерге жетуде. Ағымдағы жылда University of Minnesota және Оңтүстік Кореяның Dong Eui University арасында қосдипломды бағдарламаларды іске асыру туралы келісім қабылданды. Алдағы уақытта да университет ұжымы мемлекетіміздің сенімді тірегін тәрбиелеу, дарынды жастарымызды бүкіл әлемге көрсету жолында тынымсыз еңбек ететініне және тәуелсіз еліміздің одан әрі дамуына лайықты үлес қосатынына сенімдіміз», - деді министр.

• 05.11.2024
• 18