Қазақстан мен Швейцария қылмыстық істер бойынша өзара құқықтық көмек көрсету туралы келісімге қол жеткізді

А.ж. 5 қарашасында Берн қаласына (Швейцария) жасаған сапарым барысында Швейцарияның  Бас Прокуроры Штефан Блаттлермен және Швейцарияның Федералдық әділет офисі Директорының орынбасары Лоренс Фонтана Юнгомен келіссөздер жүргіздім. Қылмыстық істер бойынша халықаралық құқықтық ынтымақтастықтың және заңсыз активтерді қайтарудың тетіктерінің тиімділігін арттырудың  өзекті мәселелерін талқыладық.

Қазақстан Республикасының Президенті Қ.К. Тоқаев бастаған реформалар, 2023 жылғы шілдеде қабылданған заңсыз шығарылған активтерді мемлекетке қайтару туралы заң, Қазақстанның Бас прокуратура жанында тиісті комитеттің, сондай-ақ қайтарылған қаражатты әлеуметтік-экономикалық маңызды жобаларды қаржыландыру үшін бөлетін арнайы қордың құрылуы және 2022 жылдан бері Қазақстанға 3,5 миллиардтан астам доллар қайтарылғаны туралы айттым.

Шетелдік, соның ішінде швейцариялық инвесторларды құқықтық қорғаудың маңыздылығын атап өтіп, екі ел арасындағы экономикалық ынтымақтастықты нығайтуға ықпал ететінін жеткіздім.

Бас Прокурор Блаттлер мен Директордың орынбасары Фонтана Юнго Қазақстанға заңсыз шығарылған активтерді қайтару және халықаралық ынтымақтастықты одан әрі дамыту мәселелерінде қолдау көрсетуге дайын екендіктерін растады. Швейцария Әділет басқармасының өкілдері Қазақстанның қылмыстық істер бойынша өзара құқықтық көмек туралы Еуропалық конвенцияға қосылуға деген ұмтылысын қолдады.

Сапардың қорытындысы бойынша тараптар қылмыстық істер бойынша өзара құқықтық көмек көрсету туралы өзара түсіністік туралы үкіметаралық Меморандумға қол қойды. Құжатқа Қазақстанның Үкіметі атынан өзімде, ал Швейцария Үкіметі атынан Федералдық әділет басқармасы Директорының орынбасары қол қойдық.

Меморандум екі елдің қылмыстық істер бойынша дәлелдемелер мен ақпарат алмасу, соның ішінде заңсыз шығарылған активтерді қайтару рәсімдерін жеделдетуге деген ұмтылысын көрсетеді. Швейцария Бас прокурорының пікірінше, бұл құжатқа қол қою елдер арасындағы серіктестікті айтарлықтай күшейтіп, қаржылық қылмыстармен күрестегі бірлескен күш-жігерді нығайтады.00:16

• 06.11.2024
• 53