QYZPU ХАЛЫҚАРАЛЫҚ САММИТТЕ «STARS AWARD» МАРАПАТЫНА ИЕ БОЛДЫ

Қытайдың Макао қаласында өткен QS Higher Ed Summit: APAC 2024 халықаралық саммитінде Қазақ ұлттық қыздар педагогикалық университеті беделді «STARS AWARD» марапатына ие болды.

Салтанатты марапаттау рәсімінде университетті стратегиялық даму және әлеуметтік жұмыс жөніндегі проректор Жанар Рысбекова таныстырды. QyzPU QS Stars аудитінің нәтижесінде төрт жұлдызға ие болды. Бұл – оның академиялық ортаны дамытуға және білім беру сапасын арттыруға қосқан үлесін айқындайды.

Аудит нәтижесінде Қазақ ұлттық қыздар педагогикалық университеті келесі негізгі бағыттар бойынша жоғары бағаланды: жұмыспен қамту — 5 жұлдыз; тиімді басқару — 5 жұлдыз; оқыту сапасы — 4 жұлдыз; бағдарлама күші: Шет тілі (екі шет тілі) — 4 жұлдыз.

QS Stars жүйесі — университеттерді негізгі көрсеткіштер бойынша бағалайтын әлемге танылған рейтинг.

QS Higher Ed Summit: APAC 2024 саммиті – білім беру саласындағы жетекші мамандары, университет басшылары және сарапшылар үшін жоғары білімнің болашағын талқылауға, үздік тәжірибелермен алмасуға арналған алаң.

• 07.11.2024
• 82