ӘУЕЗОВ УНИВЕРСИТЕТІ ШЫРШЫҚТАҒЫ ФИЛИАЛЫНЫҢ ЖҰМЫСТАРЫ ҚАРҚЫНДЫ ЖҮРУДЕ

Әуезов университетінің Басқарма Төрағасы-ректоры м.а. Ғани Бесбаев бастаған университет делегациясы Өзбекстан Республикасының Шыршық қаласындағы университет филиалына барып, оқу ордасының ұжымымен кездесті. Ғани Әбзелбекұлы филиалдың материалдық-техникалық базасымен, тыныс-тіршілігімен танысып, студенттермен жүздесіп, көкейлерінде жүрген сауалдарға жауап берді. Филиал директоры Дария Қожамжарова болашақта атқаруға тиісті жоспарларымен таныстырып, стратегиялық бағыттар мен миссиясын атап өтті.

Шыршық – Өзбекстанның өнеркәсібі дамыған қалаларының бірі. Өңірде машина жасау, металл өңдеу және химия өнеркәсібі сияқты салалар қарқынды дамыған.

Филиалды ашу ҚР Президенті Қ.Тоқаев пен Өзбекстан Республикасының Президенті Ш.Мирзиёевтің екі мемлекет арасындағы дипломатиялық қарым-қатынастың құрылғанына 30 жыл толуына орай кездесуінің қорытындысы нәтижесінде Үкімет басшыларының 2023 жылғы 5 мамырдағы екі жақты ынтымақтастық жөніндегі 20-шы бірлескен үкіметаралық комиссияның отырысында жасалған келісім бойынша жүзеге асырылды.

Айта кету керек, филиалда кадрларды даярлау техникалық, IT-технологиялар, химия және тамақ өнеркәсібі бағыттары бойынша даярлайды.

• 18.11.2024
• 89