Батыс Қазақтанда төтенше жағдайларға авариялық ден қою бойынша Халықаралық өңірлік тренинг-орталығын құру жоспарлануда

Жұмыс сапарымның екінші күні Ақсай қаласындағы модульдік өрт сөндіру бөлімінің құрылысын жоспарлау барысын тексердім, сондай-ақ Батыс Қазақстан облысы әкімінің орынбасары Мұхтар Манкеевпен бірге өңірдің бірнеше елді мекендерін араладым. Аталған елді мекендердің аумағында өрт қауіпсіздігі саласын дамыту үшін өрт деполарын салу және жөндеу жұмыстарын жүргізу қажеттілігі бар. Осы мәселелерге қатысты жергілікті атқарушы мемлекеттік органдарға бірқатар нақты тапсырмалар берілді.

Менің төрағалығыммен Батыс Қазақстан облысы әкімінің орынбасары Мұхтар Манкеевтің, Батыс Қазақстан облысы ТЖД бастығы Жасұлан Жұмашевтың, Халықаралық Азаматтық қорғаныс ұйымының өкілдері, ХАҚҰ Бас хатшысының орынбасары Андрей Кудиновтың, ХАҚҰ халықаралық департаментінің директоры Салтанат Ташматованың, ХАҚҰ-ның Орталық Азия өңірі елдеріндегі өкілі Жанұзақ Токушевтің және облыс аумағында жұмыс істейтін ірі шетелдік мұнай-газ компанияларының басшыларының қатысуымен жұмыс кеңесі өтті.

Кеңес барысында Қазақстанның батысында өңірдің мұнай-газ саласының әлеуетт -қауіпті объектілері шоғырланған жердегі ХАҚҰ-мен бірлесіп төтенше жағдайларға авариялық ден қою жөніндегі халықаралық өңірлік тренинг-орталығын құруды жоспарлау және одан әрі ынтымақтастықтың басым бағыттарын дамыту бойынша бірқатар өзекті мәселелер қаралды. Батыс қазақстан облысы ТЖД бастығы, сондай-ақ ХАҚҰ өкілдері баяндама жасады.

• 18.02.2021
• 261