Бас прокуратурада виртуалды активтерге қатысты семинар өтті

Бас прокуратурада виртуалды активтер бойынша семинар өткізілді.

Бұл іс-шараны Бас прокуратураның Активтерді қайтару жөніндегі комитетінің бастамасы бойынша ЕҚЫҰ ұйымдастырды.

Оның негізгі мақсаты – ақшаны жылыстату тәуекелдерін азайтуға, сондай-ақ блокчейн технологиясының негізгі ерекшеліктерін зерттеуге бағытталған виртуалды активтер саласындағы біліктілікті арттыру.

Бас прокуратура заманауи сын-тегеуріндерді, оның ішінде кибералаяқтық пен цифрлық кеңістікте жасалған басқа да қылмыстарды тергеумен байланысты мәселелерді тиімді шешетін құзыретті мамандар даярлауға ерекше назар аударатынын айта кеткен жөн.

Бұндай шаралар Мемлекет басшысының цифрландыруды дамыту және құқықтық тәртіпті қамтамасыз ету жөніндегі тапсырмаларын орындау мақсатында қабылдануда.

Спикер ретінде шақырылған халықаралық сарапшы Михал Громек семинарға қатысушыларды блокчейн талдау, транзакцияларды бақылау және заңсыз крипто әмияндарды анықтауды қоса алғанда криптовалюта транзакцияларын қадағалау мен талдауда қолданылатын әдістермен және құралдармен таныстырды.

Бас прокуратура басшылығы ЕҚЫҰ өкілдеріне іс-шараны ұйымдастырғаны үшін алғыс білдірді.

• 19.11.2024
• 20