ҚБТУ-ДА МҰНАЙ ӨНДІРУДІ АРТТЫРУ БОЙЫНША АЛҒАШҚЫ ЗЕРТТЕУ ОРТАЛЫҒЫ АШЫЛДЫ

Алматы қаласында А.Б.Бектұров атындағы Химия ғылымдары институтында Қазақстан-Қытай бірлескен мұнай өндіруді арттыру орталығы мен қытайлық Xinjiang Keli New Technology Company демеушілігімен жабдықталған зертхананың салтанатты ашылуы өтті. Іс-шараны Қазақстан-Британ техникалық университетінің Энергетика және мұнай-газ индустрия мектебі ұйымдастырды.

Орталықтың негізгі бағыты – мұнай өнімділігін арттыру мәселелерін шешуге арналған түрлі технологияларды әзірлеу және зерттеу, соның ішінде Қазақстанның мұнай кен орындарындағы күрделі қабаттық жағдайлар үшін химиялық реагенттерді қолдану. Ауыр мұнайды өндіру технологияларына, функционалды гельдік бөлшектерді жасауға, ұңғымалардың өнімділігін оңтайландыруға және CO₂ арналарының бітелуін болдырмауға ерекше назар аударылады.

Толығырақ: https://www.gov.kz/.../sci/press/news/details/886231...

• 19.11.2024
• 69