ШЫМКЕНТТЕ АШЫҚ ҚОҒАМДЫҚ ТЫҢДАЛЫМ ӨТУДЕ

Бүгін Шымкент қаласындағы жаңа атшабар және көпқабатты тұрғын үй кешені мен жаяу жүргіншілер аймағының (променад) құрылысы жөнінде қоғамның, қала тұрғындарының пікірін тыңдау мақсатында видео-конференц-байланыс арқылы ашық қоғамдық тыңдау өтуде.

Бұл қала тарихындағы алғашқы рет ашық түрде өткізіліп отырған қоғамдық тыңдалым.

Жиынға қоғамдық кеңес мүшелері, маслихат депутаттары, зиялы қауым өкілдері, бұқаралық ақпарат құралдары, қоғамның белсенді мүшелері және қала тұрғындары қатысуда.

Қоғамдық тыңдау өткізу туралы ақпарат қала тұрғындарына ағымдағы жылдың 21 қаңтарында заңда белгіленген тәртіппен «Шымкент келбеті – Панорама Шымкента» газеттерінде және ресми сайттарда жарияланды. Бекітілген Қоғамдық тыңдауларды өткізу қағидаларына сәйкес 20 жұмыс күнінен кейін өткізіліп отыр.

Конференцияға қатысушылар экрандарына көрсетілген дауыс беру мәзірі арқылы дауыс береді. Қоғамдық тыңдалымды өткізу Ережесіне сай, бүгінгі тыңдалымның хаттамасы 5 жұмыс күнінің ішінде жергілікті басқару органдарының ресми сайттарында жарияланады.

• 19.02.2021
• 318