Қала әкімі Ғ.Сыздықбеков «Halyk Bank» басқарма төрайымы Үміт Шаяхметовамен кездесті

Кездесу барысында шағын және орта бизнесті қолдау, әлеуметтік серіктестік және банктің қала аумағындағы инвестициялық жобаларға қатысу мәселелері талқыланды.
Басқарма төрайымы ақша-несие саясатының негізгі бағыттарына тоқталып, «Halyk Bank»-тың қаладағы қызметі туралы толық ақпарат берді. Сонымен қатар, инвестициялық нарықтың үрдістері, қаржы нарығындағы жағдай, банктік қызметтердің цифрландырылуы мен қауіпсіздігі мәселелері қарастырылды.
Еліміздің жүйе құрушы әрі жауапты қаржы ұйымының басшылығы мегаполистің тұрақты дамуына бағытталған бірлескен бастамаларды белсенді қолдауға дайын екенін жеткізді. Кездесу соңында серіктестік байланыстарды нығайту, кәсіпкерлік, инфрақұрылым және Шымкенттің туристік әлеуетін дамытуға арналған бірлескен жобаларды жүзеге асыру аясында нәтижелі ынтымақтастықты жалғастыру туралы келісімге келді.

• 29.11.2024
• 89