Өткізілген кеңес туралы

Осы аптаның басында Мемлекет басшысы прокуратура органдарының басшылық құрамымен кеңес өткізгені белгілі.

Президент бірқатар проблемалық мәселелерді атап өтіп, азаматтардың құқықтарын қорғауды күшейтуге баса назар аударды.

Мемлекет басшысының тапсырмаларын орындау мақсатында бүгін Ішкі істер министрі Ерлан Тұрғымбаевпен бірге кеңес өткізілді.

Қылмыстың алдын алу, соның ішінде карантиннен кейінгі кезең, сондай-ақ қылмыстық процестің үш буынды моделіне көшудің келесі кезеңін іске асыру бойынша жұмыстар талқыланды.

Кеңестің қорытындысы бойынша, аумақтық полиция бөлімшелері мен прокуратура органдарының басшыларына бастапқы кезеңінде құқық бұзушылықтардың жолын кесу бойынша барлық қажетті шараларды қабылдау, азаматтарды қылмыстық шеңберге заңсыз тартуға жол бермеу және мемлекеттік органдармен тиісті өзара іс-қимылды қамтамасыз ету тапсырылды.

• 19.02.2021
• 298