АBAI UNIVERSITY-ДЕ ЛОТАРИНГИЯ УНИВЕРСИТЕТІНІҢ ФИЛИАЛЫ АШЫЛДЫ

Абай атындағы Қазақ ұлттық педагогикалық университетінде Лотарингия университетінің (Франция) филиалы ашылды. Бұл Мемлекет басшысы Қасым-Жомарт Тоқаевтың елімізде жетекші шетелдік жоғары оқу орындарының филиалдарын ашу туралы тапсырмасына сәйкес жүзеге асып отыр.

Лотарингия университеті – Францияның 13 қаласында 49 оқу ғимараты бар жетекші француз университеттерінің бірі. Лотарингия университеті мен Абай университеті арасында ынтымақтастық бұрыннан жолға қойылған.

Филиалдың салтанатты ашылу шарасында ҚР ҒЖБМ Жоғары және жоғары оқу орнынан кейінгі білім комитетінің төрағасы Гүлзат Көбенова мен Францияның Қазақстандағы Төтенше және Өкілетті Елшісі Сильван Гиоге арнайы мемориалдық тақтаны ашты. Қонақтар сондай-ақ француз тіліндегі алғашқы Орталық-Азия кітапханасының ашылу салтанатына куә болды. Олар филиалдың ашылуы білім және ғылым саласына жаңа леп алып келетіндігін жеткізді.

Толығырақ: https://www.gov.kz/.../sci/press/news/details/900277...

• 11.12.2024
• 17