Саясат Нұрбек Сауд Арабиясының ғылым мен инновацияны дамытудағы негізгі институттарымен бірқатар кездесулер өткізді

COP16 аясындағы Сауд Арабиясына сапары барысында Саясат Нұрбек «Ғылым қоры» АҚ басқарма төрағасы Камиль Акатовпен бірге RDIA-мен келіссөздер жүргізді.

Кездесу барысында тараптар қазақстандық ғалымдарды бірлескен жобаларға тарту, Сауд Арабиясының жетекші университеттерінде тағылымдамалар ұйымдастыру және RDIA ресурстарын пайдалана отырып, қазақстандық ғылыми жобаларды кеңейту мәселелерін талқылады.

Министр сонымен қатар Академиялық хаб құру бастамасын ұсынып, елдің ғылыми әлеуетін нығайтуға бағытталған «Ғылым және технологиялық саясат туралы» заңға енгізілген жаңалықтармен таныстырды. Кездесу қорытындысы бойынша белгіленген мақсаттарды жүзеге асыру үшін іс-қимыл жоспарын әзірлеу туралы келісімге қол жеткізілді.

• 11.12.2024
• 55