ШЫМКЕНТТЕ ЖЫЛДЫҢ ҚОРЫТЫНДЫ СЕССИЯСЫ ӨТТІ

Бүгін Шымкент қаласы мәслихатының кезекті жиырма үшінші сессиясы өтті. Кұн тәртібінде Шымкент қаласы әкімінің оған жүктелген функциялары мен міндеттерін орындау туралы есебі тыңдалды. Қала әкімі Ғабит Сыздықбеков мегаполистің әлеуметтік-экономикалық даму көрсеткіштерін, инвестиция, инфрақұрылыммен қамту, абаттандыру, әлеуметтік салалардың даму барысын баяндады.
Экономиканың барлық саласында оң өзгеріс бар. Биылғы жылдың 10 айының қорытындысымен қала экономикасының өсімі 12 %-ды құрады. Бұл көрсеткіш республика бойынша алдыңғы қатарда. Оның ішінде, тартылған инвестиция 9 пайызға, құрылыс жұмыстарының көлемі 27 пайызға, пайдалануға берілген тұрғын үй алаңы 42 пайызға, сауда көлемі 19 пайызға, көлік қызметі 26 пайызға, өнеркәсіптегі өнім көлемі 2 пайызға артты. Биыл көшелерді жарықтандыру көлемі едәуір артып, 1 528 көшеге жарықшамдар орнатылуда.

• 13.12.2024
• 12