Алматы облысында «баррамунди» экзотикалық балық түрін индустриялық өсіру жобасының бірінші кезеңі іске асырылды

Ауыл шаруашылығы вице-министрі Аманғалий Бердалин Алматы облысына жұмыс сапарының шеңберінде Қонаев қаласының маңында орналасқан «Ospanova Development» ЖШС-не барды. Аталған кәсіпорын баррамунди және бахтақ балықтарын өсірумен айналысатын балық өнеркәсібі кешені.

Кәсіпорын директоры М. Бектемисовтың айтуынша, кешен ТМД-да теңдесі жоқ бірегей жоба болып табылады.
Кешеннің жобалық қуаттылығы жылына 10 000 тонна балық өндіретін кәсіпорынды екі кезеңде іске асыру жоспарлануда.

Жылына 1000 тонна балық өсіруге арналған жобаның I кезеңінің құрылысы 2023 жылдың соңында аяқталды және 2024 жылдың соңына дейін 100 тоннадан астам балық өсіру жоспарлануда.

Инвестордың айтуынша, жобаның құны 67 млрд. теңгеден асады. 2021 жылдан бастап жобаның бірінші кезеңін іске асыруға 8,5 млрд. теңгеден астам қаржы салынды.
Жалпы, бұл жобаны іске асыру импортты алмастыруға және сонымен бірге ішкі тұтыну мен экспорттың көлемін арттыруға ықпал етпек.

• 17.12.2024
• 64