АҚТАУ ӘУЕЖАЙЫНДА ТҰРАҚ ҚҰНЫ МОНОПОЛИЯҒА ҚАРСЫ ОРГАННЫҢ АРАЛАСУЫНАН КЕЙІН 40% - ҒА ТӨМЕНДЕДІ

Қазақстан Республикасы Бәсекелестікті қорғау және дамыту агенттігінің Маңғыстау облысы бойынша департаменті Ақтау халықаралық әуежайының жолаушылар терминалының аумағында орналасқан автотұрақты жалға алушының қызметінде монополияға қарсы заңнаманың бұзылғанын анықтады.

Тексеріске тұрақтау 15 минуттан асса,  құнын 300 теңгеден 500 теңгеге дейін арттыру негіз болды.

Сондай-ақ тексеру барысында автотұрақты жалға беру конкурстық рәсімдерсіз жүргізілгені анықталды. Сонымен қатар, жолаушылар терминалы әлеуметтік объект болған соң, оның қызметі халықтың барлық топтары, соның ішінде әлеуметтік осал топтары үшін қолайлы жағдайлар жасап, азаматтардың конституциялық құқықтарын қамтамасыз етуге бағытталуы керек.

Монополияға қарсы әрекеттердің аясында автотұрақ құны 40% - ға, 300 теңгеге дейін төмендетілді.

• 19.12.2024
• 125