Жыл қорытындысы: «Жерлерге зерттеп-қарау жұмыстарын жүргізу мемлекеттік институты» РМК-ның жетістіктері мен перспективалары

2024 жыл республикалық мемлекеттік кәсіпорын «Жерлерге зерттеп-қарау жұмыстарын жүргізу мемлекеттік институты» үшін ерекше жыл болды. Қазақстанның жер ресурстарын басқару саласындағы негізгі орынға айналған кәсіпорын бір жыл бұрын құрылған болатын.

Осы уақыт ішінде 6 млн гектар аумақта электронды топырақ карталарын жасау арқылы топырақ зерттеу жұмыстары, 7 млн гектар аумақта электронды геоботаникалық карталарды жасау арқылы геоботаникалық зерттеулер, 8 млн гектар жерге мониторинг жүргізілді, 4 млн гектар аумақта топырақтың бонитеті анықталды.

Бұл деректер жерлерді ұтымды пайдалану бойынша ұсыныстар дайындаудың негізі болды. Ауыл шаруашылығы өндірушілеріне топырақ құнарлылығын арттыру, эрозияның алдын алу, оңтайлы ауыл шаруашылығы дақылдарын таңдау, сондай-ақ тыңайтқыштар енгізу бойынша ұсыныстар берілді.

2025 жылы «Жерлерге зерттеп-қарау жұмыстарын жүргізу мемлекеттік институты» РМК өз жұмыс ауқымын ұлғайтуды жоспарлап отыр. Атап айтқанда, топырақ зерттеулері 6,65 млн гектар аумақта, геоботаникалық зерттеулер 7,5 млн гектар аумақта жүргізіледі. Топырақтың бонитеті 5 млн гектар аумақта анықталып, 10 млн гектар жер мониторингпен қамтылады. 53,5 млн гектар аумаққа жер деградациясының электронды карталары жасалады.

Ағымдағы жылы «Жерлерге зерттеп-қарау жұмыстарын жүргізу мемлекеттік институты» РМК бірқатар халықаралық жобаларға белсенді қатысты.

Атап айтқанда, БҰҰ-ның Шөлейттенуге қарсы күрес жөніндегі конвенциясы аясында Орталық Азиядағы жер ресурстарының аймақтық шолуын дайындау бойынша жұмыстар жалғасуда.
Бакуде өткен COP29 аясында көміртекті егіншілік мәселелері бойынша сайд-ивент ұйымдастырылып, кәсіпорынның қызметі таныстырылды.

Маңызды оқиғалардың бірі – Эр-Риядта өткен COP16-ға қатысу болды, онда «Жерлерге зерттеп-қарау жұмыстарын жүргізу мемлекеттік институты» РМК климат өзгерісі жағдайында жер ресурстарын тұрақты басқару бойынша Қазақстанның жетістіктерін таныстырды.
Save Soil қозғалысы аясында Conscious Planet ұйымымен топырақ денсаулығын сақтау бойынша бірлескен жұмыс туралы меморандумға қол қойылды.

UFU тәуелсіз экологиялық институтымен (Германия) келісім жасалды.

Қазақстандағы БҰҰ-ның Азық-түлік және ауыл шаруашылығы ұйымымен бірлесіп бірнеше жоба жүзеге асырылуда.

Барлық негізгі бағыттар бойынша жұмыс әрі қарай жалғасын табады.

• 24.12.2024
• 45