"Ақылды қала" тұжырымына сай цифрландыру және трансформациялау бойынша ауқымды жұмыстар жүргізіп жатырмыз.

"Цифрлық Қазақстан" мемлекеттік бағдарламасы шеңберінде 6 негізгі бағыт бойынша басым жобалар іске асырылып келеді. Олардың қатарына - білім беру, денсаулық сақтау, қауіпсіздік, ТКШ, көлік және мемлекеттік қызметтер салаларын цифрландыру жатады. Мәселен:
✅ Біз көрсететін барлық 159 мемлекеттік қызметті электронды форматқа көшірдік. iQala орталығының да көмегі зор. Онда тұрғын үй-коммуналдық секторына байланысты "бір терезе" қағидаты бойынша ұйымдастыру қызметтерін алуға болады. Бұрын қызмет көрсету регламенті болмаған. Мысалы, пәтер сатып алғаннан кейін азамат барлық монополистерді аралап, әрқайсымен жеке-жеке келісімшарт жасап, ара-тұра қоңырау шалып, құжаттардың дайын екенін білуге мәжбүр болатын. Бұл іс 1 айға дейін созылатын. Қазір өтініш беруші iqala.kz сайты арқылы өтініш береді, 3-5 күн ішінде оған құжаттардың дайын екендігі туралы SMS хабарлама келеді.
✅ Сыбайлас жемқорлыққа қарсы іс-қимыл агенттігінің "Астана – Адалдық алаңы" бірлескен жобасы аясында мектептегі тамақтану мәселесі қозғалды. Мемлекеттік сатып алуларды автоматтандыру жүргізіліп, барлық төрт аудан әкімдігі фронт-офис форматына көшті. Ашық әкімдік режимінде жұмыс істеп жатыр. Сондай-ақ, денсаулық паспорттарын 100% цифрландыру жүргізілді. Медициналық анықтама берудің заңдылығын тексеру үшін ақпараттық қызмет әзірленді.
✅ Барлық қоғамдық көліктер электронды төлем жүйелерімен жабдықталған. Бұл ақшаның 40%-ын көлеңкелі айналымнан шығаруға мүмкіндік берді. "Қауіпсіз аула" және т.б. жобалармен жұмыс істеуді жалғастырамыз.
✅ Қалада инженерлік желілер мен ғимараттарды, жер учаскелерін цифрландыру, бас жоспардың кеңістіктік үш өлшемді макетін, қаланың 3D моделін, инвестициялық карталарды және т.б. жасау бойынша жұмыстар жүргізілуде. Бұл бірден бірнеше мәселені шешуге мүмкіндік береді: желідегі жүктемелерді көруге болады; қайда ауыстыру керек, қуатты қайда арттыру керек деген сияқты мәселелердің жауабы көрініп тұрады. Сондай-ақ, бұл жобалар қала құрылысы процестерін болжауға және модельдеуге мүмкіндік береді.

• 23.02.2021
• 279