Шегірткелерге қарсы қорғаныс шараларынан үнемделген қаражатқа дрондар мен автомобильдер сатып алынды

Биылғы жылы Күн белсенділігінің 11-ші шыңына байланысты шегіртке зиянкестерінің таралуымен қиын жағдай орын алды. Болжамдар шегірткелердің 2,5 миллион гектар аумаққа таралуын көрсетті, бірақ іс жүзінде 3,1 миллион гектар аумақта химиялық өңдеу жүргізілді.

Бұл мақсаттарға республикалық бюджеттен 4,2 млрд.теңге, ал Үкімет резервінен — 3,9 млрд. теңге бөлінді. Қабылданған шаралардың нәтижесінде ауыл шаруашылығы дақылдарының зақымдануын болдырмауға және көрші мемлекеттердің аумағында шегірткелердің көші-қонына жол бермеуге мүмкіндік туды. Қорғаныс іс-шараларына 2500-ден астам адам қатысты, 427 бүріккіш техника жұмылдырылды.

Пестицидтер мен химиялық өңдеу қызметтерін мемлекеттік сатып алуды жүргізу кезінде Үкімет резервінен қаражат есебінен 694,78 млн. теңге көлемінде үнемдеу қалыптасты.

Үкімет бұл қаражатты шегірткелерге қарсы зерттеулер мен химиялық өңдеулер жүргізу үшін, сондай-ақ қорғаныс іс-шараларын ұйымдастыруды бақылау үшін автокөліктерді сатып алуға пайдалану туралы шешім қабылдады. 7 зерттеу дрондары, 46 химиялық өңдеу дрондары және 38 автомобильдер сатып алынды.

Дрондар шегірткелердің дамуы мен таралуын бақылау үшін, сондай-ақ дәстүрлі бүрку әдістерін қолдану мүмкін емес жерлерде химиялық өңдеу үшін қолданылады. Сондай-ақ, мемлекеттік фитосанитариялық бақылауды қамтамасыз етуге арналған автомобильдерге деген қажеттілік 100% жаңартылды, бұл жарамсыз болып қалған көлік құралдарын ауыстыруға мүмкіндік береді.

• 08.01.2025
• 64