СҚО-да ірі қара мал мен жылқы терілерінен 300 тонна жоғары протеинді жемдік қоспа өндірілді

«СК Протеин» ЖШС ірі қара мал мен жылқы терілерінен жоғары протеинді жемдік қоспалар өндіру бойынша жобаны сәтті жүзеге асырды.

М. Қозыбаев атындағы Солтүстік Қазақстан университетімен және «Ғылым қоры» АҚ-мен ынтымақтастық аясында компания 350 миллион теңге көлемінде грант алды.

Жоба жылына 5,4 мың тонна шикізатты қайта өңдеп, 2,4 мың тоннаға дейін дайын өнім шығаруға қабілетті.

2024 жылдың 11 айында 675 тонна тері өңделіп, 300 тонна протеин өндірілді.

ProtSAN атты жануар тектес жемдік қоспа жоғары ақуыз құрамымен ерекшеленеді. Өнім ұнтақ және түйіршік түрінде қолжетімді. Қоспа жоғары сапалы жем өндіруде, сондай-ақ ауыл шаруашылығы жануарларының, құстың, өнім бермейтін жануарлар мен балықтың рационына тікелей қосуға қолданылады. Өнімді «Алматы технологиялық университеті» АҚ зерттеп, оның құрамында ГМО жоқ екендігін анықтады.

• 08.01.2025
• 84