Сақтандыру нарығын реттеу шаралары туралы

27 желтоқсанда Қазақстан Республикасының Қаржы нарығын реттеу және дамыту агенттігі «Қазақстан Республикасының кейбір нормативтік құқықтық актілеріне сақтандыру нарығын реттеу мәселелері бойынша өзгерістер мен толықтыру енгізу туралы» №88 Қаулыны қабылдады.

Қаулы ҚР сақтандыру заңнамасының Insurance core principles (ICP) International Association of Insurance Supervisors (IAIS) - Халықаралық сақтандыру қадағалауы қауымдастығының сақтандырудың негізгі қағидаттарына сәйкестігін бағалау нәтижелері бойынша Дүниежүзілік Банктің ұсыныстарын және ҚР Қаржы секторын дамытудың 2030 жылға дейінгі тұжырымдамасын іске асыру жөніндегі іс-қимыл жоспарын іске асыру мақсатында әзірленді.

Қаулыда төмендегілерді:

- сақтандыру ұйымының директорлар кеңесінің корпоративтік басқарудың тиісті практикасын, іскерлік этиканы және тәуекел-мәдениетті қолдану жөніндегі жауапкершілігін арттыруды;

- корпоративтік хатшыға және сақтандыру ұйымының бас тәуекел-менеджеріне қойылатын біліктілік талаптарын белгілеуді;

- сақтандыру ұйымының клиенттердің шағымдары мен өтініштеріне жыл сайынғы талдау жүргізуге қойылатын талаптарды, сондай-ақ ерікті сақтандыру сыныптары бойынша сақтандыру төлеміне жеке тұлғалардың клиенттерінің өтініштерін қараудың шекті мерзімін белгілеуді;

- сақтандыру ұйымының тәуекелдерді басқару жүйесіне тәуекелдерге негізделген талап етілетін капиталды жыл сайынғы өзіндік бағалауды енгізуді көздейтін түзетулер блогы көзделген. Бұл талап сақтандыру ұйымдарын Solvency II енгізуге дайындау мақсатында енгізіледі.

Осы түзетулерді қабылдау сақтандыру ұйымдарының корпоративтік тәуекел-мәдениетін арттыруға және клиенттерге қызмет көрсету сапасын жақсартуға ықпал ететін болады.

• 10.01.2025
• 71