Бір тәулік ішінде республиканың автожолдарында 155 бірлік техника шығарылды, 468 адам құтқарылды және эвакуацияланды

ТЖМ аумақтық бөлімшелері Қостанай, Солтүстік Қазақстан, Батыс Қазақстан, Атырау облыстарында және Нұр-Сұлтан қаласында 155 бірлік техниканы шығарып, 468 адамды, оның ішінде 30 баланы құтқарды және эвакуациялады.

Шұғыл жұмыстарға ТЖМ, ІІМ, жол қызметтерінен, ЖАО барлығы 662 адам және 423 бірлік техника жұмылдырылды.

Халықты ескерту мақсатында ауа райының нашарлауы туралы 38 СМС-хабарламаны тарату жүзеге асырылды, «Дәрмен» мобильдік қосымшасы арқылы 26 хабарлама жіберілді.

Уақытылы ақпараттық-психологиялық көмек көрсету үшін Республикалық жедел штабта және өңірлерде (Ақмола, Қостанай және СҚО) «Жедел байланыс желісі» ашылды.

• 24.02.2021
• 467