Қала әкімі Ғабит Сыздықбеков Тұран шағынауданындағы Оқушылар сарайының ашылуына қатысты

Жалпы ауданы 9881 шаршы метрден асатын үш қабатты заманауи ғимарат 1 ауысымда 500 орынға лайықталған. Оқушылар сарайы қосымша білім берудің сапалы қызметін қамтамасыз етуге қажетті барлық жабдықтармен толық қамтылған.
Мұнда 7-18 жас аралығындағы балалардың бос уақытын тиімді ұйымдастыру үшін бассейн, интерактивті кітапхана, керамика шеберханасы, 3D-модельдеу және Lego кабинеттері қарастырылған. Биотехнологиялық және гуманитарлық блоктарда фотостудия, бейне студия және журналистика үйірмелері орналасқан, бұл балалардың шығармашылық қабілеттерін дамытуға ықпал етеді.

• 31.01.2025
• 36