Қала әкімі Ғабит Сыздықбеков арнайы экономикалық аймақта орналасқан кәсіпорындардың қызметімен танысты.

 “Шымкент химиялық компаниясы” ЖШС-не арнайы жұмыстарымен танысты. Бұл кешен қаланың өңдеу өнеркәсібіне елеулі үлес қосып, отынның октан санын арттыруға арналған метил-трет-бутил эфирін шығарады. Кәсіпорынның жобалық қуаты – жылына 57 мың тонна өнім.
Әрі қарай “Arnatex” ЖШС-нің өндіріс цехтарын аралау жұмыстарын жүргізді. Бұл компания тоқыма емес және геосинтетикалық материалдар өндіруге маманданған. Мұнда 40-тан астам қызметкер жұмыс істейді. Қазіргі таңда кәсіпорын тоқыма саласын дамытып, өнімін көрші елдерге экспорттауды жоспарлап отыр.

• 21.02.2025
• 25