Агенттікте 2025 жылға арналған банк секторындағы қадағалау саясатының негізгі басымдықтары таныстырылды

Агенттік екінші деңгейдегі банк басшыларымен кездесу өткізді. Реттеуші өткен жылдың қорытындысын шығарды, қадағалау саясатының негізгі басымдықтарын, сондай-ақ банк секторын дамытудың 2025 жылға арналған негізгі бағыттарын ұсынды.

Банк секторы мемлекеттің экономикалық мақсаттарын белсенді қолдай отырып, өсу мен тұрақтылықты сақтап отыр. Сектор активтері 19,7%-ға (10,1 трлн теңге) өсті және банктердің несие портфелін және мемлекеттік бағалы қағаздар портфелін ұлғайтуы есебінен 61,6 трлн теңгеге жетті. NPL қарыздарының деңгейі (90+) 3,1%-ды құрады.

Кездесу барысында SREP жаңартылған әдіснамасы бойынша жыл сайынғы қадағалап бағалаудың нәтижелері талқыланды, оның шеңберінде тәуекел-менеджмент және корпоративтік басқару жүйелерінің болуын «формалды» бағалаудан банктердің ішкі процестері егжей-тегжейлі талдауға көшірілді. SREP процесін Агенттік автоматтандырады, бұл қадағалау қызметін цифрландырудағы маңызды қадам болды. Бағалау қорытындысы бойынша банктердің бизнес-процестеріндегі елеулі оң өзгерістер атап өтілді. Тәуекелдерді басқару мен ішкі бақылауда прогресс бар, сонымен бірге жекелеген процестерді жақсартуға болады.

Тұрақты AQR және қадағалап стресс-тестілеуге ерекше назар аударылды. AQR қорытындысы бойынша банктердің кредиттік портфелінің сапасын арттыру байқалады. Бұл портфельдің жалпы өсіміне, жеке портфельдер бойынша қарыз алушылардың қаржылық жағдайының жақсаруына, сондай-ақ проблемалық берешекті реттеу жөніндегі банктердің жұмысына байланысты. 11 банк бойынша капитал жеткіліктілігінің жалпы деңгейін бағалау 17,4%-дан 16,3%-ға дейін төмендеді, бұл реттеуші минимумнан едәуір асып түсті. Сонымен қатар тұрақты AQR өткізу BICRA (Банк секторының сала және ел бойынша тәуекелдерін бағалау) рейтингінде елдің рейтингін жақсарту факторларының біріне айналды.

Қадағалап стресс-тестілеу нәтижелері банк секторының орнықтылығын растайды, оны халықаралық ұйымдар мен рейтингтік агенттіктер де ескереді.

Толығырақ: https://www.gov.kz/memleket/entities/ardfm/press/news/details/942597?lang=kk

• 21.02.2025
• 44