ҚАЗАҚСТАН РЕСПУБЛИКАСЫ ПРЕЗИДЕНТІНІҢ БӘСЕКЕЛЕСТІКТІ ҚОРҒАУ ЖӘНЕ ДАМЫТУ АГЕНТТІГІ ТУРАЛЫ ЕРЕЖЕСІНЕ ТОЛЫҚТЫРУ ЕНГІЗУ ТУРАЛЫ ЖАРЛЫҒЫНЫҢ ЖОБАСЫ ЖАРИЯЛАНДЫ

Қазақстан Республикасының Бәсекелестікті қорғау және дамыту агенттігі «Ашық НҚА» порталында Қазақстан Республикасының «Биржалық сауда және кәсіпкерлік мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» Заңын іске асыру мақсатында әзірленген Қазақстан Республикасы Президентінің «2020 жылғы 5 қазандағы №428 «Қазақстан Республикасының Бәсекелестікті қорғау және дамыту агенттігінің кейбір мәселелері туралы» Қазақстан Республикасы Президенті Жарлығына толықтырулар енгізу туралы» Жарлығының жобасын жариялады.

Жарлық жобасында Қазақстан Республикасының Бәсекелестікті қорғау және дамыту агенттігі туралы ережені:

монополияға қарсы органның:

ұқсас тауарлар мен көрсетілетін қызметтерді өндіруді жүзеге асыратын жеке кәсіпкерлік субъектілерінің болмауы туралы;

бәсекелестік негізде тиісті тауарларды, жұмыстарды, көрсетілетін қызметтерді сатып алудың өзге мүмкіндігінің болмауы туралы қорытындыларын беру;

ұқсас тауарларды, жұмыстарды, көрсетілетін қызметтерді өндіруді жүзеге асыратын жеке кәсіпкерлік субъектілерінің жоқтығы туралы және тиісті тауарларды, жұмыстарды, көрсетілетін қызметтерді бәсекелестік негізде сатып алудың өзге де мүмкіндігінің жоқтығы туралы монополияға қарсы органның қорытындысын беру қағидаларын әзірлеу және бекіту;

биржалық сауда-саттыққа жосықсыз қатысушылардың тізілімін қалыптастыру және жүргізу қағидаларын бекіту жөніндегі функциямен толықтыру көзделеді.

Жарлық жобасымен мына сілтеме арқылы танысуға болады:  https://legalacts.egov.kz/npa/view?id=15391689

• 24.02.2025
• 25