QazTrade Шығыс Еуропаға экспортты қолдайды

Ағымдағы жылдың 26 ақпанында "Qaztrade" сауда саясатын дамыту орталығы" АҚ Бас директоры А.Асқарұлының басшылығымен Қазақстан Республикасының Словак Республикасындағы Төтенше және Өкілетті Елшісі Роман Юрьевич Василенкомен Словак экспорттаушылары кеңесінің төрағасы Паризек Лукашпен онлайн кездесу өтті.

Келіссөздер барысында екіжақты сауда-экономикалық ынтымақтастық, сондай-ақ екі елдің тауарларын дамыту мен ілгерілетудегі бірлескен өзара іс-қимыл мәселелері талқыланды.

Қазақстан Словакияға азық-түлік, химия және машина жасау салаларының өнімдерін экспорттауға дайын. QazTrade қазақстандық компанияларға шығындарын өтеу құралдары, сауда миссиялары және маркетингтік компаниялар арқылы өз өнімдерін Шығыс Еуропа нарығында өткізуге жәрдемдесетін болады.

Кездесу қорытындысы бойынша словак экспорттаушылар кеңесі мен "QazTrade" сауда саясатын дамыту орталығы" АҚ арасында ынтымақтастық туралы Меморандумға қол қойылды.

Сондай-ақ словак экспорттаушылар Кеңесі QazTrade-пен бірлесіп бірқатар оқыту семинарлары мен B2B кездесулерін ұйымдастырады деп шешілді.

• 26.02.2021
• 210