Тарифтік емес және техникалық кедергілерді жою жөніндегі Қазақстан-Түркия жұмыс тобының 1-ші отырысына дайындық мәселелері бойынша кеңес өтті

Ағымдағы жылдың 26 ақпанында онлайн форматта ҚР Сауда және интеграция министрлігі Түркия Сауда министрлігінің өкілдерімен тарифтік емес және техникалық кедергілерді жою жөніндегі қазақстан-түрік жұмыс тобының 1-ші отырысына дайындық мәселелері бойынша сараптамалық кездесу өткізді.

Кездесу барысында тараптар экспортқа арналған әлеуетті өнімдердің тізімдерімен алмасты, сондай-ақ одан әрі белсенді өзара іс-қимыл жасау үшін әлеуетті экспорттаушылар мен импорттаушылардың тізімдерін дайындауға және беруге келісті.

Қазақстан мен Түркия нарықтарына жеткізілетін тауарлардың номенклатурасын кеңейту мақсатында саудадағы техникалық және тарифтік емес кедергілерді анықтаудағы ынтымақтастық бойынша алдағы жоспарлар талқыланды.

Екі елдің техникалық реттеу және метрология жөніндегі ұйымдарының өкілдері Техникалық реттеу, стандарттау, сертификаттау және метрология саласындағы Меморандумға қол қою мүмкіндігін қарастырды.

Құрметпен,

ҚР Сауда және интеграция министрлігінің

баспасөз қызметі

Тел.: 8(7172)74-98-94

www.mti.gov.kz

https://www.facebook.com/mtiqz/ 

https://t.me/tradenewsQZ

• 01.03.2021
• 334