Көлік вице-министрі Мақсат Қалиақпаров Павлодар өңірінің тұрғындарымен кездесті

Павлодар облысына жұмыс сапары барысында Мақсат Қалиақпаров өңір тұрғындарымен кездесу өткізіп, азаматтарды жеке мәселелері бойынша қабылдады.

Тұрғындармен кездесуде көлік вице-министрі көлік және логистика, жол құрылысы, азаматтық авиация және т.б. сияқты министрліктің құзыретіне кіретін салалар бойынша азаматтардың сұрақтарына жауап берді.

Мақсат Қалиақпаров өткен жылы өңірде «Қызылорда – Павлодар – Успенка – РФ шекарасы» республикалық маңызы бар автомобиль жолында төрт жолақты Ертіс өзені арқылы өтетін заманауи көпірдің құрылысы басталғанын атап өтті. Қазіргі таңда құрылысқа 196 маман мен 61 арнайы техника жұмылдырылған.

Сондай-ақ, өткен жылдан бастап Павлодар қаласы әуежайының ұшу-қону жолағы, такси жолы мен перроны қайта жаңартылуда. Жұмыстарды аяқтау 2025 жылы жоспарланып отыр.

2024 жылы Павлодар қаласының теміржол вокзалын қайта жаңарту аяқталды.

Өңірдің көлік-логистика әлеуетін одан әрі арттыру үшін биыл мамандар темір жолдарға күрделі жөндеу жүргізеді.

Атап айтқанда, Ақсу қаласының, «Спутник» және «Бастау» станцияларының аумағындағы теміржол учаскелері қайта жаңартылады.

Сондай - ақ, өңір тұрғындары өзен таксиін ашу, «Жаңа Ақшиман – Жасыбай» жолын жөндеу, «Томск-Қарағанды» теміржол бағытын қайта іске қосу, мүмкіндігі шектеулі жандарға арналған вагондарды ұлғайту және жүк тасымалын дамыту мәселелерін көтерді.

Халықпен кездесуден кейін Мақсат Қалиақпаров азаматтарды жеке қабылдады.

Барлық өтініш білдірушілерге толық жауаптар, түсініктемелер мен ұсыныстар берілді.

• 14.03.2025
• 28