Жетісу облысында егіс алқабы 510 мың гектардан асады

Өңірде көктемгі егіс жұмыстарына дайындық жалғасуда. Ауыл шаруашылығы дақылдарының жалпы егіс алқабы 510 мың гектардан асады, оның ішінде дәнді дақылдар - 295,3 мың гектарды, майлы дақылдар - 89,7 мың гектарды, қант қызылшасы - 12,2 мың гектарды, картоп - 6,8 мың гектарды, жемшөп дақылдары-97,3 мың гектарды құрайды.

Егіс науқанын сәтті өткізу үшін жаздық ауыл шаруашылығы дақылдарының 52,1 мың тонна тұқымы дайындалды. Тұқымдарды зертханалық тексеру жалғасуда. Қант қызылшасын себуге 17,4 мың тонна тұқым қажет, оның негізгі көлемін Көксу қант зауыты мен «Жетісу ӘКК» қамтамасыз етеді.

Өңірдің шаруашылықтарына 58,8 мың тонна минералды тыңайтқыш қажет болады.

Көктемгі егіс жұмыстарының қалыпты жүргізілуін қамтамасыз ету үшін аграршыларға 5,5 мың тонна арзандатылған дизель отыны бөлінетін болады.

Егіс алқабына 20 414 бірлік техника жұмылдырылады, арнайы техниканың 99% - ы жұмыстардың басталуына дайындалып қойған.

«Кен дала-1» және «Кен дала-2» бағдарламалары аясында көктемгі дала жұмыстарын жүргізуге 2025 жылы 3,7 млрд теңге қарастырылған. Бүгінгі таңда «Аграрлық несие корпорациясына» 4,3 млрд теңге сомасына 170 өтінім келіп түсті, 2,5 млрд теңге сомасына 77 өтінім бойынша қаржыландыру бөлінді.

• 18.03.2025
• 35