ТЖМ басшысы әскери қызметшілерге жаңа техниканың кілттерін табыс етті

Қазақстан Республикасының Төтенше жағдайлар министрі генерал-майор Шыңғыс Әрінов Алматы облысына жұмыс сапары аясында ҚР ТЖМ Бауыржан Момышұлы атындағы 28237 әскери бөліміне барды. Шеру алаңындағы салтанатты рәсім кезінде ол әскери қызметшілерге КамАЗ шассиіндегі жаңа әскери-құтқару және мамандандырылған көліктерді тапсырды.

  «Біз бөлімшелеріміздің материалдық-техникалық базасын нығайтуды, жеке құрамның кәсіби дағдыларын дамытуды, жаңа мамандықтарды оқытуды және елімізде азаматтық қорғау жүйесін жетілдіруді жалғастырамыз», — деп Шыңғыс Әрінов атап өтті.

  Іс-шара аясында министр «Айбат» арнайы бөлімшесінің қызмет ету шарттарымен және қызметімен де танысты.

  Алматыдан 60 километр жерде орналасқан ҚР ТЖМ 28237 әскери бөлімі елдің оңтүстік өңірінің қауіпсіздігін қамтамасыз етуде шешуші рөл атқарады. Ол табиғи және техногендік сипаттағы төтенше жағдайларды жоюға, сондай-ақ халықты және маңызды инфрақұрылым объектілерін қорғауға жауапты. Өнеркәсіптің қарқынды дамуы және өңір халқының жоғары тығыздығы жағдайында азаматтық қорғау күштері мен құралдарының артуы өте маңызды болып отыр. Жаңа техника бөлімшелердің ұтқырлығын едәуір арттырады және олардың төтенше жағдайларға жедел әрекет ету қабілетін жақсартады.

  Сонымен қатар 2025 жылы ТЖМ әскери қызметшілері елордада өтетін Ұлы Отан соғысындағы Жеңістің 80 жылдығына арналған әскери шеруге қатысады. Министрлік жауынгерлік дайындықтың жоғары деңгейін көрсете отырып, азаматтық қорғау әскери бөлімдерінің салтанатты есебі мен техникасын ұсынады.

• 20.03.2025
• 56