Ғылым қорының қолдауымен Қазақстанда медициналық гидрогель таңғыштарының жаңа өндірісі басталды

Ғалымдар мен жоғары деңгейдегі инженер-сарапшылардан құралған қазақстандық мамандар тобы Ғылым қорының қолдауымен ҚР Энергетика министрлігінің «Ядролық физика институты» ШЖҚ РМК базасында медициналық мақсатқа арналған гидрогельді таңғыштарды сериялық өндіру учаскесін құру жобасын жүзеге асыруда.

Жобаның мақсаты – ГОСТ ISO 13485 заманауи стандартының талаптарына сай келетін өндіріс учаскесін құру, сондай-ақ өнім түрлері мен көлемін арттыру.

«AQUA DRESS» таңғыштары келесі жағдайларда қолданылады:

• I–III дәрежелі күйіктер кезінде алғашқы көмек көрсетуге;

• шағын жаралар мен ойық жараларда (1 дм² дейін), сондай-ақ теріні трансплантациялауға дайындау кезінде;

• жараларды жарақаттанудан, кебуден және инфекциядан қорғауға;

• пилинг, лазерлік тегістеу, дермабразия және пластикалық операциялардан кейін емделуді жеделдетуге;

• жұмсақ тіндер жоғалған жаралары үшін;

• тері ауруларында қабынуды азайту үшін (таңғышты ауыстыру – көрсеткіштерге сәйкес әр 24-48 сағат сайын).

Жоба Қазақстанның денсаулық сақтау жүйесі үшін тиімді медициналық өнімдердің қолжетімділігін арттырып, отандық заманауи медициналық бұйымдар өндірісінің дамуына ықпал етеді.

• 28.03.2025
• 32