ЖЕКЕШЕЛЕНДІРУ ПРОЦЕСТЕРІН ЖЕТІЛДІРУ

Парламент Сенатында «Экономиканы ырықтандыру жөніндегі шаралар туралы» Қазақстан Республикасы Президентінің Жарлығын іске асыру аясында жекешелендіру процесін жетілдіру мәселелері бойынша дөңгелек үстел өтті.

Іс-шараға Сенат депутаттары, Ұлттық экономика, қаржы министрліктерінің өкілдері, сондай-ақ экономикалық саясат саласындағы сарапшылар қатысты.

Монополияға қарсы органның атынан Бәсекелестікті дамыту агенттігі төрағасының орынбасары Б.Қ. Сәмбетов қатысты. Ол жекешелендіру жөніндегі Ұлттық кеңсе аясында  Агенттіктің 2024 жылғы жұмысының қорытындыларын сөз етіп, аталмыш бағыттағы  жоспарларды айтып берді.

Талқылау барысында жекешелендіру мемлекеттің экономикаға қатысуын төмендетуде, бәсекелестікті дамытуда және активтерді басқару тиімділігін арттыруда маңызды рөл атқаратыны атап өтілді. Мемлекеттің экономикадағы үлесін қысқарту, стратегиялық салаларға жеке инвестицияларды тарту және сатылған активтер мониторингінің тиімді жүйесін қалыптастыру мәселелеріне ерекше назар аударылды.

Кездесу қорытындысы бойынша талқылау барысында айтылған ұсыныстар мен ескертулер талданды және дөңгелек үстелдің қорытынды ұсыныстарына енгізілді.

• 02.04.2025
• 46