AI-SANA ИННОВАЦИЯЛЫҚ БАҒДАРЛАМАСЫНЫҢ ЖҮЗЕГЕ АСЫРЫЛУЫ ТУРАЛЫ

«AI-Sana» бағдарламасының мақсаты – ауыл шаруашылығы, су шаруашылығы, энергетика және басқа да салалар бойынша бейінді мамандықтарда білім алатын студенттерге жасанды интеллект және AI-кәсіпкерлік саласындағы қосымша құзыреттерді меңгеруге мүмкіндік беру, аталған салалар бойынша білімдерін кезең-кезеңімен тереңдету. Бұл тәсіл болашақ мамандарға өз кәсіби саласын терең меңгеріп қана қоймай, сондай-ақ жұмыс үдерістерін оңтайландыру және салалық өзекті мәселелерді шешу үшін ЖИ технологияларын белсенді қолдануға мүмкіндік береді.

Бағдарлама түлектері салалық мәселелерді инновациялық жолмен шешуге арналған өз стартаптарын құра алады немесе алған білімдерін жұмыс орындарында тиімді қолдана алады, бұл өз салаларында инновациялардың таралуына және технологиялық дамуына ықпал етеді.

Осылайша «AI-Sana» бағдарламасы ұлттық экономика салаларында ЖИ әлеуетін ашуға және технологиялық кәсіпкерлікті қолдауға баса назар аудара отырып, технологиялық және экономикалық дамудың катализаторы ретінде әрекет етеді. Қазақстанның технологиялық және экономикалық өсуінің драйвері бола алатын Deep Tech-стартаптарын құруға ерекше назар аударылды.

«AI-Sana» бағдарламасы кезең-кезеңімен іске асырылады, әрбір кезең студенттердің құзыреттерін жасанды интеллект бойынша базалық білімнен бастап, стартаптарды кәсіби деңгейде дамытуға және оларды нарыққа шығарып, ауқымын кеңейтуге дейін жүйелі түрде дамытуға бағытталған.

Дайындық кезеңі жасанды интеллект бойынша курстарды қамтиды.

Дайындық кезеңі (650 мың студент) – Coursera, Huawei платформаларында, сондай-ақ Astana Hub алаңында ЖИ бойынша курстар.

1-кезең (100 мың студент) – ЖИ негізінде кәсіпкерлік дағдыларды, бағдарламалаудың базалық дағдыларын, машиналық оқытуды үйрету.

2-кезең (60 мың студент) – студенттердің жобаларын құрылымдау, ауқымын кеңейту стратегиясын әзірлеу және нарықтық қажеттіліктер мен тенденцияларға бағдарлау.

3-кезең (1,5 мың MVP стартаптар) – стартаптардың прe-акселерациясы, акселерациясы және пост-акселерациясы.

Толығырақ: https://www.gov.kz/.../sci/press/news/details/967895...

• 02.04.2025
• 59