ҰЛТТЫҚ ЖЕКЕШЕЛЕНДІРУ ОФИСІ IT-СЕКТОР МЕН МҰНАЙ СЕРВИСІНДЕГІ МЕМЛЕКЕТТІК ҚАТЫСУ АУҚЫМЫН ЗЕРДЕЛЕЙДІ

Ұлттық Жекешелендіру Кеңсесі экономиканың IT, ӘКК, геология, мұнай сервисі, құрылыс сияқты салаларындағы мемлекеттің қатысуы мен рөлін талдайды. Бұл туралы Кеңсе отырысында Бәсекелестікті қорғау және дамыту агенттігінің басшысы Марат Омаров мәлімдеді.

«Кеңсенің 2025-2026 жылдарға арналған жұмыс жоспарында мемлекеттік активтерді басқару моделін жаңғырту көзделген. Бұл жұмыс келесі негізгі бағыттар бойынша мемлекеттік активтерді басқару тиімділігін арттыруға бағытталған: мемлекеттің меншік иесі ретіндегі рөлін нақты анықтау; мемлекеттік реттеу мен активтерді иелену функцияларын ажырату; экономикалық және әлеуметтік мақсаттарды ескере отырып, мемлекеттік активтерді басқару стратегиясын әзірлеу. Мемлекеттік кәсіпорындар бәсекелі ортада жұмыс істеуі және негізсіз артықшылықтардан қағылуы тиіс», – деп атап өтті Омаров.

Сонымен қатар, мемлекет қатысатын кәсіпорындардың 50%-дан кем үлесіне талдау жүргізу, коммуналдық мемлекеттік мекемелердің (КММ) қызметін зерттеу жоспарлануда. Кеңсе отырысында қазіргі уақытта КММ құру кезінде бәсекелестік органының келісімі талап етілмейтіні атап өтілді. Тәжірибе көрсеткендей, жергілікті атқарушы органдар келісім рәсімдерінен айналып өту үшін мемлекеттік мекемелер (ММ) ретінде құрылып, алайда олар коммерциялық қызметті жүзеге асырады.

Алдағы екі жылда Ұлттық Кеңсе мемлекеттік органдармен бірлесіп жол карталарын әзірлеуге ерекше назар аударады. Бұл жол карталары жекешелендірудің барлық әлеуметтік және стратегиялық аспектілерін қамтиды.

Сондай-ақ, заңнамаға енгізілген «сұраныс бойынша жекешелендіру» қағидатын дамыту көзделуде. Бұл қағидаға сәйкес, жекеменшік бизнес субъектілері мемлекет қатысатын кәсіпорындарды сатып алу туралы ұсыныстар бере алады. Қазірдің өзінде Ұлттық Жекешелендіру Кеңсенің веб-сайты іске қосылып, жұмыс істеуде. Осы сайт арқылы жеке кәсіпкерлік субъектілері квазимемлекеттік сектордағы жекешелендіруге жататын нысандарға өтінім бере алады.

Ұлттық Жекешелендіру Кеңсе 2024 жылғы 28 мамырда Мемлекет басшысының «Экономиканы ырықтандыру шаралары туралы» Жарлығы аясында құрылды. Офис құрамына негізгі ведомстволардың бірінші басшылары, министрлер мен облыстар, республикалық маңызы бар қалалар мен астананың әкімдерінің орынбасарлары, Парламент депутаттары, квазимемлекеттік сектор субъектілері, сарапшылар қауымдастығы мен «Атамекен» ҰКП өкілдері кіреді.

• 07.04.2025
• 56