БҚДА ТӨРАҒАСЫ МАРАТ ОМАРОВ АВИАЖАНАРМАЙ НАРЫҒЫН ДАМЫТУ БОЙЫНША ЖАҢА ШАРАЛАРДЫ ҰСЫНДЫ

Бәсекелестікті қорғау және дамыту агенттігінің Төрағасы Марат Омаров Үкіметте авиажанармай нарығын дамытуға бағытталған шараларды және әуежайларды қаржыландырудың жаңа моделін таныстырды.​

Премьер-министр Олжас Бектеновтің төрағалығымен өткен кеңесте БҚДА басшысы агенттік ұсынған авиаотын бағасын қалыптастыру механизмін енгізу туралы хабарлады, бұл механизм авиажанармай көтерме және бөлшек сауда арқылы, соның ішінде әуежайлар арқылы жүзеге асыруды көздейді.​

Ұсынылған механизм жоғарыда аталған нарықтағы импортты алмастыру мәселелерін де қамтиды. Қазіргі уақытта ҚМГ тобының өндірісі отандық авиакомпаниялар мен мемлекеттік авиацияның авиажанармайға деген қажеттілігін қамтамасыз етеді. ҚМГ жоспарларына сәйкес, 2031 жылға қарай авиаотын өндірісі 1,5 млн тоннаға дейін ұлғайтылады, бұл, соның ішінде, «ПетроҚазақстан Ойл Продактс» ЖШС-нің кеңеюі нәтижесінде жүзеге асады.​

Әуежайларды қаржыландыру жүйесіндегі жаңашылдықтар инфрақұрылымға қолжетімділіктің сервистік моделін енгізуді ұсынады. Мұндай тәсіл олардың авиажанармай түсетін бақыланбайтын кірістерге тәуелділігін төмендетуге, сондай-ақ әуежай қызметтері саласын дамытуға ықпал етеді. Сонымен қатар, әуежай инфрақұрылымын жаңғыртуды ынталандыру мақсатында, инвестициялық жобалары келісілген әуежайларға бір реттік кейінге қалдыруды қарастыратын, Президенттің «Экономиканы ырықтандыру шаралары туралы» Жарлығы аясында әзірленген негізгі қуаттылық ережелерін қолдану мүмкіндігі қарастырылады.

• 07.04.2025
• 38