Әрбір бала қауіпсіз ортада өсуі тиіс

2023 жылдан бастап Бас прокуратураның бастамасымен еліміздің барлық өңірлерінде балалардың құқықтарын қорғауға, зорлық-зомбылық фактілерін анықтауға және уақтылы көмек көрсетуге бағытталған екі жоба – «URPAQ» және «Бақытты және Қауіпсіз Балалық Шақ» жүзеге асырылуда.

🔹 Прокурорлар қауіп-қатер аймағындағы 63 мың отбасыны аралады

«Бақытты және Қауіпсіз Балалық Шақ» жобасы аясында прокурорлар балаларға қатысты қауіп немесе зорлық-зомбылық фактілерін анықтау үшін 63 мыңнан астам отбасына барды.

Жұмыс нәтижелері:

         • Қамқоршыларға, асырап алушыларға, ата-аналарға және басқа да тұлғаларға қатысты 93 сотқа дейінгі тергеп-тексеру басталды;

         • 11 мың ата-ана мен заңды өкілдер бала тәрбиелеу міндеттерін тиісінше орындамағаны үшін әкімшілік жауапкершілікке тартылды;

         • 342 бала аса ауыр жағдайға тап болғандықтан, қолайсыз отбасылардан мемлекет қамқорлығына алынды.

Тексерулердің нәтижесінде:

         • 54 ата-ананың құқықтарын шектеу және 92 ата-ана құқығынан толық айыру туралы талап-арыздар берілді;

         • 2 мыңнан астам отбасыға материалдық көмек көрсетілді (алғашқы көмек заттары, азық-түлік, оқу құралдар, көмір және басқалары);

         • 1 мыңнан астам отбасыға тұрғын үй мәселесі бойынша қолдау көрсетілді;

         • 10 мың отбасыға медициналық және әлеуметтік көмек ұсынылды;

         • Балаларға 4,5 млрд теңге көлемінде алимент өндіріп алынды.

🔹 «URPAQ» жобасы: Көмек дер кезінде көрсетіледі

Бұл жоба отбасылардағы жасырын зорлық-зомбылық түрлерін анықтауға бағытталған. Ол зардап шеккендерге психологиялық және заңдық қолдау көрсету бойынша кешенді көмекті қамтиды.

«Әр бала көмек әрдайым қасында екенін және ол қиындықпен жалғыз қалмайтынын білуі керек», – деді Берік Асылов.

Жедел әрекет ету үшін келесі құралдар енгізілді:

         • Балалардың құқықтарын бұзу туралы ақпарат жинау үшін Telegram чат-боттары;

         • Мектептерде, мемлекеттік мекемелерде және қоғамдық орындарда QR-кодтар орнатылып, мәселелерін жедел хабарлауға мүмкіндік берілді.

Жоба нәтижелері:

         • ШҚО-да екі буллинг фактісі тоқтатылды: 12 жастағы балаға жасалған қорлық және колледж студентіне көрсетілген қысым. Кінәлілер тәртіптік жазаға тартылып, профилактикалық жұмыс жүргізілді.

         • Қорқытып ақша алу фактілері бойынша қылмыстық істер қозғалды. Мысалы, 16 жастағы студент жасөспірімдерден ақша талап етіп, оларға пышақпен қоқан-лоқы жасаған. Басқа мектепте жоғары сынып оқушылары 7-сынып оқушысынан ақша бопсалаған. Кінәлілер мектепішілік есепке алынып, ата-аналары әкімшілік жауапкершілікке тартылды.

🔹 Бейжай қарауға болмайтын фактілер

Қысқа уақыт ішінде оқушылар мен мұғалімдер тарапынан орын алған бұзақылық пен буллинг туралы 1 809 хабарлама түсті.

Тексеру нәтижелері бойынша:

         • 192 адам әкімшілік жауапкершілікке тартылды;

         • 1 617 адаммен профилактикалық әңгімелер мен түсіндіру жұмыстары жүргізілді.

Берік Асылов осы жұмыстың маңыздылығын атап өтті: «Қазақстандағы әрбір бала өзін қауіпсіз сезінуі керек. Біз олардың құқықтарын қорғау және бақытты балалық шақты қамтамасыз ету үшін бар күшімізді саламыз».

• 09.04.2025
• 47