COVENTRY UNIVERSITY KAZAKHSTAN ОҚУ ОРНЫ ГРАНТЫНА 700-ДЕН АСТАМ ӨТІНІМ ҚАБЫЛДАНДЫ

Астанадағы Coventry University Kazakhstan тұңғыш британ университеті 2025–2026 оқу жылына арналған гранттық конкурстың екінші кезеңін қорытындылады. Гранттық оқу бағдарламасына еліміздің барлық аймақтарынан 760 мектеп және колледж түлектері өтінім тапсырды.

Coventry University Kazakhstan оқу орнына жалпы саны 760 өтінім қабылданды, олардың басым бөлігі Астана, Қарағанды, Алматы және Шымкент қалаларынан келіп түсті. Үміткерлер қатарында НЗМ, РФММ, БИЛ, BINOM, Haileybury Astana, Spectrum International School, Canadian International School секілді көптеген мектептердің түлектері бар. Өтінім берушілердің көпшілігі – компьютерлік ғылымдар пәні бойынша Жәутіков олимпиадасы, республикалық информатика олимпиадасы секілді республикалық және халықаралық олимпиадалар мен конкурстардың жеңімпаздары.

340-тан астам абитуриент IELTS тестінен 7.0-ден жоғары балл жинаса, ал 232 мектеп түлегінің GPA көрсеткіші 5.0 баллды (тек «өте жақсы» деген бағалар) құраған. Бұл олардың жоғары академиялық білім деңгейі мен ағылшын тілін жетік меңгергендігін айғақтайды. Конкурс қорытындылары екінші кезеңге өткен абитуриенттердің эсселері бағаланғаннан кейін, қосымша жарияланады. Екінші кезең ағымдағы жылдың 29 наурызда Астана қаласындағы Coventry University Kazakhstan университетінде және еліміздің өзге өңірлерінде орналасқан НЗМ, БИЛ секілді серіктес білім беру ұйымдарының алаңында басталды.

«Компьютерлік ғылымдар» және «Бизнес» бағдарламалары бойынша гранттарға өтінім 2025 жылдың 24 ақпанынан бастап қабылданды. Конкурс екі кезеңнен тұрды. Негізгі талаптарға сәйкес, өткен академиялық жыл бойынша GPA орташа көрсеткіші 5.0 баллдан кемінде 4.0 баллға, ал IELTS емтиханының нәтижесі кемінде 6.0 баллға тең болуы тиіс. Конкурс екі кезеңнен тұрды. Екінші кезең ағымдағы жылдың 29 наурызда Астана қаласындағы Coventry University Kazakhstan университетінде және еліміздің өзге өңірлерінде орналасқан НЗМ, БИЛ секілді серіктес білім беру ұйымдарының алаңында басталды.

Толығырақ: https://www.gov.kz/.../sci/press/news/details/973391...

• 10.04.2025
• 51