Қала әкімі Ғ. Сыздықбеков қажыр-қайратымен ел мерейін асқақтатқан, халықаралық аренада еліміз бен қаламыздың абыройын арттырған жеңімпаздармен және жүлдегерлерімен кездесті

 Сауд Арабиясының Даммам қаласында өткен жеңіл атлетикадан жасөспірімдер арасындағы VI Азия чемпионатында жетісайыстан алтын медаль жеңіп алған Полина Кузубова бар. Ал Ақбілек Құралбай – жасөспірімдер арасындағы Қазақстан чемпионатының жеңімпазы. Ол 2000 метрге кедергілер арқылы жүгіруде топ жарып, жаңа ұлттық рекорд орнатты. Маунтинбайктан өткен Қазақстан чемпионатында командалық эстафетада топтық үйлесімділік пен шапшаңдықтың үздік үлгісін көрсеткен велошабандоздар құрамын да ерекше атап өткен жөн – олар алтын жүлдені қанжығасына байлады.
Кездесу барысында Қазақстан велоспорт федерациясының басшысы Райымбек Баталовпен және жеңіл атлетика федерациясының вице-президенті, Олимпиада чемпионы Ольга Рыпаковамен велосипед спортын және жеңіл атлетиканы дамыту жайы сөз болды. Әлемге танымал “Gran Fondo” шосселік веложарысын 2026 жылы Шымкент қаласында өткізу мүмкіндігі қарастырылды. Бұл бастама шаһарымыздың халықаралық спорттық аренадағы беделін одан әрі арттыра түспек.

• 05.05.2025
• 17